相信好多90后都唔知台庆剧《无双谱》讲乜！其实系翻拍1981年同名电视剧，剧中包含三个神话故事《易钗》、《陆判》及《追鱼》，藉此带出只要心存善念，就有好报。新版由田蕊妮、黎耀祥、黄宗泽、黄浩然、郭羡妮同岑丽香主演，基本角色同旧版差唔多，部分主角更一人分饰两角，依家先同大家睇吓新旧角色分别！
《易钗》主要角色
段凤三 田蕊妮(新)
李琳琳(旧)
剧中贵为大将军嘅段凤三，论反串造型似乎大块田man好多，琳琳姐仍然带点女性娇柔味。
段素四 田蕊妮(新)
李琳琳(旧)
段素四系段凤三孪生妹妹，既然系Twins而且又系女人，二人再分身演出合情合理。
阮心让 黄浩然(新)
汤镇业(旧)
阮心让属书生一名，二人都散发住书卷气息，不过后者留荫髮型，今时今日睇番有点土！
