【on.cc东网专讯】 徐豪萦（阿徐）于巴黎时间5日出席当地举行的Sacai 2016春夏时装骚，阿徐上个星期日在当地参加十公里跑，问她成绩如何？她说：「ok，撞到好多朋友，我同朋友一齐慢慢跑，系hea跑，唔系博老命咁跑，唔想次次都博老命，因为我喺巴黎做野好攰，今次跑得好轻鬆，感觉几好，我见到班香港朋友同法国朋友，大家又揽又影相，以前比赛全力以赴就错过呢啲时刻，我朋友跟住我跑，佢反而跑得快左。」
 
    至于跑步日撞正女儿生日，阿徐坦言幸得好友为女儿庆祝生日：「个朋友同我个女同月同日生，女女前一晚去左佢屋企住，大家一齐切饼，Eason（老公陈奕迅）做完野都有赶去陪女女。（Esaon平时少陪女女？）女女生日我同Eason多数喺度，但今年我曳，嚟左时装周同跑步。（有冇拍片畀女女睇？）返香港先畀佢睇，因为我的唔畀佢上社交网站，佢睇唔到。」