【on.cc东网专讯】 女神周秀娜（Chrissie）出席腕表品牌活动，有份参与腕表设计的她，表示自己有跟男孩子交换腕表的念头，续说：「以前有朋友送过呢个品牌嘅表畀我，我觉得送表系好特别，意义在于将剩馀嘅时间同我度过，如果有岩我嘅人出现，我觉得同佢交换腕表系好浪漫。（送表畀你嗰个系羊人？）系好耐之前嘅朋友，唔系初恋男友。（想追你？）唔知系咪，但佢话隻表系有好多白羊，佢系独一无二嘅黑羊，话自己肤色黑，都几开心。（系咪锺意阳光男，好似之前被影到一齐湿平个男仔？）我成日同好多人行街，佢系我行街新宠新欢。（会发展？）纯粹朋友。（佢畀意见你买野？）佢对时装好有兴趣。（一齐入试身室？）唔系，试身室空间感好大，佢喺出面等我，唔系一齐入去。（唔怕畀错误讯息人？）我成日同好多女仔行街，咁岩影唔到啫，佢唔会因为咁（被影到）而痛失新宠地位。」
问到感情状况Dry了很久，对拍拖没有期待吗？她说：「我冇特别去谂。（有冇定羊条件？）冇呀，唔使Set得咁高，我好讲感觉，同埋要合眼缘。（靓仔先合眼缘？）靓仔会望多两眼。」
