【on.cc东网专讯】 黑仔嘅薛凯琪，唔知系咪受寻日颱风影响，唔单止唔能够如愿喺寻晚九点半抵达香港，仲要惨游飞机河，香港转飞台湾再转飞广州先降落到。不过故事仲未完结，降落左喺广州之后，Fiona喺无得拣嘅情况下，被困喺一个冇冷气嘅机舱长达超过五小时，令佢苦闷呻爆。
经过十七个小时嘅折腾，Fiona终于可以由广州转移返香港，佢喺望见家乡嗰刻，上载左张就算见唔到个样，都feel到佢有几咁苦闷嘅自拍相，另外留言：「从马来西亚到香港，去不了...结果到现在十七个小时了。总共在广州飞机裡（里）没东西吃的情况下等了十个小时，终于起飞了。这是什（甚）麽回事？！？！等我回到香港的时候，纽约都能去了。从来不知道马来西亚离开香港那麽远。我快累死和饿死了。」
最后，薛凯琪仲不忘报平安，多谢空姐不辞劳苦照顾佢之馀，仲好感恩，够晒正能量：「回来了，在飞机上祈祷了多少次，终于安全到步（埗）。十七个小时，所有空姐都没睡去服侍我们，辛苦她们了。还有很感谢上帝让我回家看猫咪，和明天能上课学唱歌。」
