【on.cc东网专讯】 歌手周柏豪出席腕表品牌活动，有份参与腕表设计的他，表示今朝已得知消息同公司的歌手官恩娜（Ella）已生B，续说：「终于都生左。（点解系终于？）因为我觉得佢个肚好大，母亲真系好伟大，好似之前徐若瑄咁又要卧床咁耐，真系唔简单，所以知道Ella生左，非常开心，祝佢个BB肥肥白白，期待满月或100日嘅时候，可以去探BB。（会送羊礼物？）我唔知送羊嘅时候就会写歌送歌，不过我相信佢好快就会复工。」
 
    问到何时到他生B？他表示暂时未有计划：「啲时间放晒喺做野度，嚟紧都系忙巡迴演唱会。（女朋友冇诈型？）从来都冇，沟通好足够。（会唔会效法王宗尧咁公开甜蜜照？）我自己比较怕丑，平时都系觉得啲宣传相几有型先摆上网，屋企人嗰啲都系收埋，会安全啲，畀大家同大家嘅屋企人有番啲私人空间。（你满意依家嘅状况？）我好满意、好开心。（怕唔怕被粉丝偷影公开相片？）冇办法情况底下都要妥协，我系惊张相丑样咋，所以如果我见到有人偷影，我都会去同佢讲不如唔好偷影我，我同你影张合照，你删除左头先嗰张，一张换一张，多数都得嘅。」