【on.cc东网专讯】 歌手林欣彤（Mag）因参加《超级巨声2》夺冠而出道，入行五年的她星路并非平坦，早年患抑鬱症更令她事业停滞不前，幸好现时一切已事过境迁。变得乐观的她坦言满意入行五年成绩，亦扬言想再尝试拍戏，更有意挑战喜剧丑女角色！爱锡家人的Mag表示想再置业，目标是10年内买到2,000迟的单位与家人同住。
走过抑鬱觅新生
Mag早年因自觉抛弃患病的麻麻而逼到自己患抑鬱症，现时病愈的她无惧提起往事，更主动把此段成长经历融入歌曲《金刚圈》中，但原来现时她间中仍会发噩梦忆起患病的痛苦感觉，不过她认为只有勇于面对脆弱才能解开心结。
有时会谂起以前嘅野，录《金刚圈》嗰两日有发噩梦，唔记得发羊，有时发嘅梦系冇内容，但梦醒系好辛苦、好綑绑，病紧嗰啲感觉涌出嚟，但发完就冇事。
面对心结嘅一个方法系掂个结，冇得摆佢喺度等佢自己解开。首歌其中一句歌词讲得好岩，「从脆弱处练出一份勇敢」，边度脆弱就喺边度练到勇气为止。真正勇敢唔系乜都唔惊，而系你好脆弱，但你面对到个脆弱！我都感激有呢个（患病）经历，虽然比较痛苦，但都系认识自己嘅一个过程。
林欣彤出席《超级巨声2》决赛时，其父母也有到场。
买豪宅预埋家人
买砖头是最稳阵的投资，Mag直言想10年内买到2,000迟的梦想居所，与家人共筑安乐窝！
之前试过置业，但我想再储多啲钱买楼，因为租屋好难完全以自己心意去装修或布置间屋，我嘅梦想居所系同屋企人一齐住，希望可以有两层，或者系隔篱屋。因为我做野会嘈住佢的，半夜想练歌都惊嘈住，所以隔篱就岩岩好。
面积方面，我自己一个嘅话几百迟都够，加埋屋企人就想要2,000迟，希望10年内可以令我同屋企人都住到一个好地方。我平日最多使费都系去左衫、髮型同化妆度，但平时都会尽量悭，所以赚嘅钱都够用，爹的妈咪成日教我，有好多野预计唔到，所以永远都要储钱，用嘅钱永远要少过赚嘅钱。
早前林欣彤（中）为音乐会拍宣传短片，并演八両金。
扮八両金过足瘾
自2010年夺《超级巨声2》冠军后，转眼间Mag已入行五年，期间她推出了数张个人专辑，又举行了个人音乐会，更试过拍电影，勇于尝试的她坦言想再拍电影，扬言有意挑战扮丑拍喜剧。
入行五年都满意自己成绩，因为个人进步紧，觉得名同利要视乎天时地利人和，所以我会睇个人有冇昇华。我会听番以前同依家唱歌做对比，仲有听番人的同我讲嘅野，觉得依家嘅我系更加随心同随性做事，以前拘谨啲、太多杂念。
依家想再试吓演戏，演戏好精彩，可以暂时摆脱自己嘅人生，做另一个人，感觉好神奇。想试吓扮丑拍喜剧，之前试过为音乐会拍宣传短片，我的重演《食神》嘅情节，我扮八両金，我唔介意扮丑，只要好笑就得。一系咁谂，如果你睇到我丑嘅样，再睇番真实嘅我，系咪觉得靓番啲？所以想拍喜剧，但我觉得系一门高深学问，自己都锺意睇，可以凼人笑就好。
后记：箧神亲力亲为
访问当日Mag带备一个自家行李箧摆放服装和高争鞋，虽然有工作人员傍住，但个子娇小的她仍无把拖箧一事假手于人，事事亲力亲为！
