前日廖启智（智叔）、方中信、李佳芯同张曦雯为大台新剧《律政强人》拍摄节目宣传片。当中智叔同方中信齐齐回巢，两人仲要系首次合作，喺当日现场上演一场意见不合嘅挥拳戏分，方中信就表示：「是我打智叔，一看就知我样子凶又脾气臭！」廖启智就笑指：「当然是健硕打弱小的！」
而有传方中信今次回巢拍剧，竟然要放弃合共近三千万嘅job，不过佢就笑指：「梗系无啦！」不过佢就表示确实因为应承接呢套新剧之后，有电影同剧集因为撞期而拍唔到。而方中信亦坦言自己无合约喺身，系因为同监制以及大台高层高励珍（珍姐）嘅关系先回巢，加上又能够同智叔合作。
另外，智叔今次拍剧都系签一剧合约，佢就笑称回巢后第一个剧唔知会唔会变成最后一个。而讲到大台新人演技被黄秋生狠批一事，佢就笑指：「新人面对秋生一定无character，我走到秋生面前都没有，因他太有character！」不过佢亦随即讚赏李佳芯同张曦雯专心。新剧《律政强人》预计喺年底开工，希望智叔同方中信两位好戏之人唔会令观众失望啦！
新剧《律政强人》预计喺年底开工，希望智叔同方中信两位好戏之人唔会令观众失望啦！
智叔同方中信齐齐回巢，两人仲要系首次合作。
佢的喺当日现场上演一场意见不合嘅挥拳戏分。
智叔今次拍剧都系签一剧合约，佢就笑称回巢后第一个剧唔知会唔会变成最后一个。
大台新人演技之前被黄秋生狠批。
智叔有讚赏李佳芯同张曦雯专心。
