【on.cc东网专讯】 无綫艺人乐瞳向来予人「妹妹」形象，下午出席《善心满载仁爱堂》记者会时，罕有地穿上红色低胸连身裙，大骚美腿及事业线之馀，更露出白色Bra带，女人味急升！不过杀「峰」景的是，乐瞳的膝头惊现瘀痕。
乐瞳表示服装乃赞助商提供，其一身打扮则是尊重场合，她笑称：「乜都试下萝，见呢件衫好似几窄下。（剪裁）应该都修身嘅，我好怕着好鬆嘅衫，因为会好肥，挑战吓你的部机影出嚟系瘦定点，如果肥就再继续努力减肥。（为件衫减肥？）冇特登减肥，只系咁岩见到呢条裙又有咁嘅场合好适合，我都想靓靓地见人。」是否想行性感路线？她却否认道：「唔好啦，唔想成日性感，但想畀人成熟少少嘅感觉。（唔想咁妹妹？）系，有啲人最近都话我女人味重左。」
好恨拍拖
问到有否多了追求者？乐瞳却大呻：「冇呀，我想做野多啲，希望畀人做主持稳定嘅感觉多啲，尽量向成熟稳重路线迈进。（恨拍拖？）恨㗎，但想做野多啲，同埋有好多梦想想完成！」
读红酒课程好好玩
她又透露正在学红酒课程，盼能于婚前去法国、澳洲酿一次酒，问到是否想进入上流社会？她说：「唔系，只系想学多样野，近一、两年饮多左酒，呢样野我好有兴趣，上堂试酒好好玩，我发觉读书依家深左，好多关于地理野，以前会考地理最高分，依家有帮助到。希望将来未必继续喺娱乐圈发展，都可以多一个范畴。（铺后路？）唔系，如果有日老喇、观众唔锺意睇我，我都希望有第二个事业萝。」
乐瞳一身火红低胸晚装上阵，摆脱「妹妹」形象。
乐瞳大骚事业线。
坐都坐到成个淑女咁款。
女人味就系咁自自然然散发出嚟！
仲有美腿。
乐瞳自言恨拍拖。
乐瞳（左起）、陈庭欣、黄心颖及麦明诗出席《善心满载仁爱堂》。
乐瞳呢家读紧红酒课程，不过佢就话唔系为左铺后路，但之后又话只系想将来有机会发展第二个事业，请问同铺后路有羊分别？
唔小心露出白色Bra带。
