近日港铁收紧对大型乐器嘅执法，就连过左行李规定仅仅4厘米嘅大提琴都唔畀入闸，引起好多网民嘅愤怒。日前街头音乐人刘卓轩喺观塘站外唱歌表演，但港铁职员照样出手阻挠。事后刘卓轩表示，佢曾喺地政处工作，所以知道佢自己所唱歌嘅地点系属公众地方。
 
    向来敢言嘅艺人黄秋生，都有睇到相关短片，佢就系facebook扯火大闹：「大家睇下条新闻片就知到依家港铁啲家丁几咁乞人憎，从几时开始港铁可以管埋官地？从几时开始港铁喺公众地方可以阻碍公众？睇下条片，人需然多，但系边有人阻塞通道呢？只见个家丁向住冇阻塞通道企喺两边嘅人话，好勒，唔好阻塞通道勒。我建议佢下次再有机会不如咁讲，好勒！唔好搭港铁勒」，听完秋生咁讲，大都又点睇呢？