■蔡明思將與拍拖近6年的圈外男友陳冠結婚。
香港文匯報訊 （記者 叮噹） Super Girls成員之一蔡明思（Jessica）今年4月與拍拖近6年的圈外男友陳冠( Steven)訂婚，並將於下月27號在台北的酒店擺婚宴，邀請親朋好友見證人生另一頁。距離婚禮還有一個月時間，昨日Jessica先向各方親戚、傳媒好友送上嫁女餅，同時附上一張印有二人於日本拍攝婚紗相的卡﹐卡上還有二人英文名Jessica及Steven的縮寫「JS」的logo。
蔡明思透露早前於日本米子市拍攝以大自然為主題的婚紗相，今次帶了三套婚紗過去日本，其中見她在沙灘上與男友拍攝的一套婚紗，露背之餘亦有開胸設計，非常性感，她表示︰「拍攝的婚紗照，男友冇特別畀意見，冇唔畀性感，而且影的婚紗唔係結婚當日嗰套，反而結婚套婚紗都好性感，幾Deep V，我都有問佢如果着呢套OK嗎？可能有長輩比較傳統，未必太鍾意。佢就話着我覺得好的婚紗，唔使諗咁多，佢話佢乜都OK。」
爆男友影相好chok
雖然男友對婚紗冇要求，但Jessica笑言對方拍攝當日「煩過女人」，連攝影師都頂唔順，她笑說︰「佢成日都好chok，連攝影師都頂唔順，成日笑佢『得㗎喇，可以出道喇』。因為佢對於自己影的相好有要求，當攝影師只係影緊我，佢就不斷在旁邊擺甫士，攝影師見到就唔好意思唔理佢，走埋去同佢影幾張相。」
Jessica透露男友比自己更緊張拍攝效果，搞到她當日累到唔想再影，她說︰「佢有好多idea，畀好多參考圖攝影師睇，不過佢就樂在其中，比女仔要求更多。雖然今次係幾好玩，不過因為佢好多要求，影到我好累，我同佢講唔好再影，佢就會話『我人生得一次，你好好配合我啦』，反而係男仔咁同女仔講，都幾好笑！」
