■陳山聰近日忙於拍攝新劇《大步走》。
■陳山聰近日忙於拍攝新劇《大步走》。

陳山聰昨日到電台宣傳劇集《金宵大廈》，他表示感恩劇集出街後反應好，網民及傳媒朋友都給正評，有如打了強心針。

山聰又稱多謝監製大膽起用他做男主角，加上該劇是較偏鋒的作品，都擔心公司會否在黃金時間播出街，可能之前的《十二傳說》反應好，所以公司肯嘗試：「我唔係收視保證，唔得係應該，就算推我出去，收視唔好跌返落嚟都冇所謂，呢部係我第一部做男主角，唔得就做返其他角色，所以勇字行頭去試，開心大家都鍾意阿蕭同Alex呢一對。」

近日忙於拍攝新劇《大步走》的山聰，表示十月中會去雲頂開演唱會，屆時會一個鐘唱十幾首歌 ，問到會否唱自己的歌？他笑說：「《ABCD》一定會唱，會係壓軸歌，呢兩、三年開咗竅好想唱，以前就好避忌，仲會唱27年前參加模仿四大天王比賽時唱嘅《長夜多浪漫》。」完騷後回港繼續開工。問到他豈不是沒時間籌備婚禮？山聰表示婚禮交由太太處理，不過婚禮沒有傳統出門儀式，都是很簡單在酒店簽紙晚上食餐飯。至於度蜜月就要明年初才能有空，因結完婚翌日就要開工。