■古天樂飾演的劫匪汪新元，到「利生珠寶行」打劫。
電影《犯罪現場》將於本月24日在香港上映。其中一場在佐敦鬧市實境拍攝的重頭戲「珠寶金行搶劫」非常矚目，劇組耗資7位數字搭建「利生珠寶行」，更封鎖部分佐敦道及彌敦道馬路進行拍攝，相當大陣仗。連拍慣動作片的古天樂都表示：「非常震撼！好少有在香港鬧市拍一場咁真實的槍戰戲！」
這場重頭戲講述古天樂飾演的劫匪汪新元，聯同同黨凌文龍、李璨琛、吳浩康及張松枝到「利生珠寶行」打劫，飾演警察的姜皓文帶領顏卓靈、徐廣林等警員追捕，繼而產生一系列懸疑事件。拍慣槍戰、動作片經驗豐富的古仔說：「好多時我們拍戲都係借個廠景，好少懸疑警匪片真係在香港鬧市取景，但係我們今次真係租了個舖位，實境搭了間珠寶店出來。個場戲好大，講好多差人追捕，劫匪點樣在珠寶行打劫，同埋事後點樣離開，我覺得個感覺好真實，震撼性好大！」至於說到拍攝的難處，古仔說：「拍攝珠寶行要爭取時間，因為涉及街燈，晚上12點過後，街道好多街燈、霓虹燈都會關上。另外很多景要封街拍攝，要拍好多警車，拍警員跑幾條街集合，仲要開好多槍，拍成晚都引起恐慌，大家都真係以為有人打劫，我個角色要拿支機關槍係咁掃射，感覺比較少有，其實我拍片以來，好少有在香港鬧市拍一場咁真實的槍戰戲！」
顏卓靈演女警表現雀躍
至於首次在片中飾演女警的顏卓靈（Cherry）表現雀躍地說：「除了初嘗開槍滋味外，還有一場為了追捕賊人在彌敦道及佐敦道十字大馬路間拔足狂奔的戲，自己一邊拍都覺得好緊張。珠寶行入面開晒機關槍，又有煙霧彈，又爆晒玻璃，其實開頭我好驚，但一爆完之後就發現好安全，劇組會好睇住演員，一拍完導演馬上問大家：『有冇事有冇事？』而跌落來的玻璃碎全部都係膠，其實係好safe，我就好enjoy喇！完全唔使任何幻想力就可以好代入拍攝，包括望住途人無論用睇拍戲定真係以為出事的心態都好，都好營造到件事的氣氛！」
