●蔡思貝不排除約緋聞男友胡鴻鈞AA制食飯。

香港文匯報訊（記者 梁靜儀）王浩信、 蔡思貝、張振朗、賴慰玲、朱敏瀚及蔣家旻昨日出席《反黑路人甲》及《踩過界II》感謝支持活動，答謝一班幕後工作人員。對於胡鴻鈞曾叫蔡思貝不要唱歌搶飯碗，蔡思貝笑言：「畀條生路行吓。」

再次奪得視帝的王浩信表示沒有慶祝，因要工作加上疫情關係不能聚集太多人，屋企都是正常慶祝。問到女兒可有買蛋糕慶祝他得獎？他說：「冇喎， 因我唔食得甜嘢，我又好少食蛋糕，個女都有恭喜我，戥我得獎開心。」他又稱很高興觀眾給他這個肯定，自己會繼續努力。問到可想原班人馬再拍《踩過界III》？他說：「要睇吓故事點寫，要有觀眾支持及有一個好嘅延續，公司至會考慮開拍。」

蔡思貝在《踩過界II》中的癲姐由哨牙變靚女，問到若不拍續集會否覺得浪費了？她笑說：「好多人都鍾意哨牙癲姐個性格，原來性格可戰勝外貌，反差好大，（可有聽聞會開拍第三集？）冇聽過。」

王浩信指《踩》中盲俠仍有很多創作幻想空間，笑言思貝可選擇做返哨牙妹。思貝笑問是否自己在面上返條疤痕？她又謂都期待再一齊合作，因不論跟相同或不同的人合作都有獨特的火花。

思貝憑劇集《踩II》榮登視后，其緋聞男友胡鴻鈞前晚在《2020年度勁歌金曲頒獎典禮》中則得到「最受歡迎男歌手」，思貝表示因翌日有工作要早睡沒有收看頒獎禮，但都覺得開心：「佢第一次攞，戥佢高興， （但個獎同人分一半？）Happy Share嘛，攞到認證好值得高興，我哋其實係同一代，佢代表音樂範疇，自己就代表演藝範疇，大家好似並肩作戰咁，（胡鴻鈞叫你唔好唱歌，唔好搶佢飯碗？）佢做乜咁冇自信，佢係唱歌小王子，我唱歌都係For Fun啫，畀條生路行吓。」至於會否相約慶祝？思貝稱作為朋友有機會都會食個飯，AA制或食兩餐都可以。

不回應做「小三」傳聞

另外，對於有傳她搭上人夫做「小三」，思貝表示一貫作風不是事實唔回答，所以今次都是好靜態回應件事，並希望大家睇到她好努力工作，好值得去得這個獎，故不用特別去澄清。

張振朗和賴慰玲同是憑《反黑路人甲》於《萬千星輝頒獎典禮》分別奪得「最受歡迎電視男角色」及「最佳女配角」獎項，但兩人都表示因疫情關係至今仍未慶祝，期待疫情過後能跟兩劇的演員食飯慶祝。

問到兩人會否希望《反黑路人甲》開拍續集？振朗表示《反》劇的班底可以開一個新的題材，賴慰玲笑言：「我想今次做一個純良嘅人，可以做老師。」張振朗則笑言可以飾演變態殺人狂。

此外，問到張振朗對於被空姐以匿名信指他態度囂張，見高拜見低踩，張振朗說：「唔係事實唔回應，我唔係啲咁嘅人，（你要唔要澄清一下？）我冇唔開心，一向以來我都係做好自己，尊重別人，人哋就會尊重你，屋企人教嘅。」