●馬仔最希望人人有工開。
香港文匯報訊（記者 梁靜儀）近日重返無綫出任副經理的曾志偉，掌管綜藝、音樂製作及節目，據悉，志偉正有意招攬各方人才，其中馬浚偉（馬仔）亦是他合作的對象之一，馬仔笑言自己「唔玩得」，對遊戲節目興趣不大，反而有意在無綫開Cafe。
問到馬仔與志偉的合作進展？馬仔說：「未正式傾，樂小姐（樂易玲）話咗我聽志偉哥好想同我合作，我唔係玩得嘅人，或者做另一個層面嘅綜藝，我同志偉哥講做咩都得，但好多嘢都未落實要再傾，我都好開心佢返嚟。」久未為無綫拍劇的馬仔，直言再拍劇要視乎時間而定。
人氣處境劇《愛．回家之開心速遞》久不久都會邀請藝人客串演出，問到馬仔又可有興趣客串演出？他笑言留待新人演出好了，但如果可讓他在劇入面的新威龍廣場內開間Cafe，而又不收他廣告費也可以考慮。已有咖啡師牌的馬仔，坦言近日除了與酒店洽談合作計劃外，也有興趣在無綫開一間Cafe。
談到牛年展望，馬仔直言心急想製作更多節目：「無論電影、舞台劇，我都希望製作更加多作品，下半年我會投資及製作一部電影，年底又會有個音樂會，我想快啲開工請多啲人做嘢，因為好多台前幕後都冇工開好慘，所以今年心願係不停開Project，希望工作順利啦。」
生於潮州家庭的他相當重視冬至和農曆新年這兩個節日，之前因疫情嚴峻關係，未能與家人食飯做冬，留待農曆新年才跟爸爸食飯慶新春。馬仔指家族有十幾人，為確保大家免受感染，他除了事前做檢測，亦要大家嚴格執行社交距離，他笑說：「 我哋會事先會做好檢測，個個驗晒冇事才可返屋企食飯，喺屋企裏面雖然冇人會管到，自己都要注意，所以會分開兩個人一枱，我哋會買外賣，好似自助餐咁，要戴住口罩出去拎嘢食。」馬仔表示每年過年爸爸都會煮冬菇豬肉炆墨魚，不過這道菜是無特別意思，純粹是他們鍾意食。對於近年流行派電子利是，馬仔自言是「老套」人，較喜歡派實體利是。
