●TVB與QQ攜手在內地推廣廣東歌，昨日舉行記者會。
香港文匯報訊（記者 梁靜儀）吳若希、菊梓喬、關心妍、張繼聰、洪卓立及陳柏宇及資深音樂人陳海琪等，前晚出席《TVB X QQ 音樂》記者會，推動廣東歌到內地市場。星夢娛樂集團有限公司行政總裁何麗全、騰訊音樂娛樂集團副總裁侯德洋與電視廣播助理總經理（藝員管理及發展） 樂易玲主持啟動儀式。
何麗全在台上表示適逢《勁歌金曲》40周年，希望將廣東歌重新帶給所有內地觀眾，而QQ音樂在內地網上平台有8億用戶，如能將廣東歌帶到8億人市場，算是盡了少少力，所以今次的合作是個好開始。除了TVB歌星藝員外，全港歌手都可以將他們的歌曲帶到該平台。
張繼聰相隔4年再踏足電視城，他表示開心。問到王祖藍可有叫他返無綫拍劇？他說：「要睇公司安排，之後會主力拍電影，將會同古天樂、林家棟合作拍電影，之後又會開《逃獄兄弟2》，忙到年尾。我私下有傳短訊畀祖藍，叫佢加油。」
吳若希全程幾乎罩不離口，她坦言因要好好保護自己及家人。談到新工作安排？她說：「都係《姊妹淘》，小朋友仲細，就算出來工作都希望留多少少時間喺屋企，做啲輕鬆工作先，起碼等BB半歲先，現在BB 5個月大，到時慢慢回復正常工作，追回進度。」
洪卓立有意北上識靚女
洪卓立原本四月中出發到內地工作半年，但現在要延期到月底才出發，他說：「已經落實兩部戲，第一站會去順德，尾站應該係北京。」問他會否識個女友才返港？他笑說：「好多人問我呢個問題，我諗會識到靚女嘅，相士叫我今年要識50個新朋友。（點解？）佢話我個人愈老就會愈鍾意匿喺屋企，但我條命係要出去，話我呢一兩年桃花都勁。」
