● 靚湯與阿蕭都不覺得公司不尊重編劇。
蕭正楠、湯洛雯（靚湯）及馮盈盈等昨晚演出《開心大綜藝》，談到有前無綫編劇日前上友台《晚吹-又要威又要戴頭盔》爆料指試過被男演員突然更改劇本，蕭正楠揚言節目中所講的男演員不是他，而靚湯及馮盈盈則齊聲表示未試過擅自改劇本。
問到蕭正楠拍劇時可試過改劇本？他說：「平時拍劇時真係會現場臨時執生，尤其拍笑片會有啲微調，因為有時啲對白同劇情到演嗰時唔配個角色，有少少改動都唔奇。（可覺得擅自改劇本會唔尊重編劇？）如改到出來個效果，相信編劇都會明白，但自己唔會改個大橋。」提到前編劇又投訴因冇得跟場，所以被人改劇本都唔知？阿蕭指這是公司一直以來的做法：「一向都係各有各，但絕對唔會唔畀編劇跟場，反而好歡迎佢哋嚟，好肯定節目中所指個男主角唔係我，因自己絕對唔會加戲，反而會減戲，爆料人無指名道姓係邊個男演員，都講唔到乜嘢，最緊要拍劇時睇現場需要。」
靚湯自言拍劇時是最鵪鶉一個，故不會擅自改劇本，因為演員很少去大改劇本，除非對白及劇本好唔流暢才會有改動，如果每個細節位都打電話問編劇是否可以改動，就真的怕會麻煩到編劇。說到前編劇投訴不受尊重？靚湯與阿蕭就說：「應該要問返啲編劇，唔輪到我哋去講，就咁睇呢件事都唔覺得公司唔尊重編劇，因為我哋都未知個詳細情況，亦都唔明白呢個前編劇受過幾多苦。」
馮盈盈自言拍劇經驗淺，真的沒試過改劇本，亦沒見過其他人擅自改劇本，她說：「因為如果真係要改劇本，都係成個團隊咁多人一齊做，因最後都要經過導演批准，要其他同事覺得OK先會做。」
