胡鴻鈞減肥操肌有成果。

香港文匯報訊（記者 梁靜儀）胡鴻鈞（Hubert）昨日到電台宣傳新歌，清減了不少的他透露是為了拍電影，戲中他飾演輕量級拳手，要進行地獄式減肥操肌，所以近個多月來「冇晒朋友」。

Hubert昨日到新城電台宣傳新歌《今天不營業》，他表示之前推出的兩首歌都發放正能量，而今次新歌內容是想講人始終都會累，讓自己休息就是為了行更遠的路，他又笑說：「自己成日都頹廢，不過呢排就唔容許自己頹，覺得做運動都係一種休息，唔使去諗嘢。」

清減了不少的Hubert透露早前拍了一部電影，戲中飾演一個輕量級拳手，為了角色進行地獄式減肥操肌，他說：「我用咗個幾月時間，由原本69公斤，減到60公斤，每日做運動三四個鐘，只係食雞蛋、白烚雞胸肉同菜，趕時間就將所有嘢榨汁飲，（豈不是冇晒朋友？ ）其實都係㗎，朋友約食飯都唔去，閉關咗個半月。」

他又透露已練到六塊腹肌，雖然電影已拍竣，飲食亦回復正常，不過可能之前吃得太過清淡，腸胃已習慣了，日前慶功打邊爐，翌日即肚屙，現在仍有輕瀉，可能個天想他以後健康一點，他亦會繼續做運動希望保持六塊腹肌，所以進食方面亦會比較清淡，但教練就叫他可以食多少少幫助增加肌肉。