噚日正值「108」（十月八日）好日子，有成3 pair名人喺同一日搞婚礼，分别有内地男星黄晓明同Angelababy、导演钱国伟同女友陈宛蔚、前亚视董事盛品儒同澳门名媛蔡一凤，真系三个婚礼都星光熠熠。
而宇宙巨G.E.M.一向人缘都唔错，喺呢日当然有份出席婚礼啦，仲要幸运地抢到花球，佢就喺ig话：「新娘好美，新郎真幸福～而我去个婚礼，居然接到个花球！哈哈哈，看来我的婚期也不远了！可是⋯可是⋯⋯我的新郎呢？我的新郎在哪裡？」咦？早前先传出过G.E.M.同赌王三房个仔猷启拍拖两个月，唔通咁好快事近？
G.E.M.仲上载左张自己捧住花球同新郎新娘合照嘅相，不过睇真啲，相中新郎唔系黄晓明，唔系钱国伟，更加唔似系盛品儒，唔通G.E.M.去错婚礼？原来佢只系去左同事嘅婚礼，冇去到3 pair名人嗰度。通常婚礼唔见人，一系就唔得閒，一系冇人请佢去架啫，不过以宇宙巨G.E.M.今时今日嘅地位，应该系有人邀请佢不过因为选择嚟同事婚礼，所以就冇去到其他婚礼啦！
而一班贴心嘅网民亦喺ig留言作温馨提示，惊死G.E.M.唔知道同一日有3 pair名人结婚，可能一众粉丝怕佢人唔到，礼又唔到得罪人，不过G.E.M.又好似冇羊表示作出回应喎！
