【on.cc东网专讯】 前组合E-Kids成员林泳（Alan）于九展举行个人音乐会，受访时，他表示两年前与E-Kids另一成员Kasa（原名Tim）合作开骚，这次则是首次举行个人骚：「都筹备左两个几月，同埋个个都以为我跳舞，我就特登去练琴，自弹自唱。」
当初E-Kids得校长谭咏麟赏识，Alan谓虽然这次校长未能到场，但就有拍片为他打气：「綵排嘅时候我睇到忍唔住喊左出嚟！」问到是否一直有与校长联络？他说：「佢生日我有打畀佢，早两年Tommy唔够胆打畀佢，就叫我打畀校长，之后校长就话冇嬲佢，叫我的生生性性就得，希望我的做到成绩畀佢睇！」
讲到演唱会中大跳贴身舞，Alan坦言一开始非常怕丑：「突然安排咁好身材嘅嚟，我唔敢望，排舞都唔戴con，扫完佢的大髀即刻讲唔好意思！」问到可有邀请旧成员出席？他表示曾联络Kasa，但对方忙于推出新歌，又透露听过有人想找E-Kids合体开骚：「如果真系大家嘅集体回忆，我冇问题，我ready嘅！（Tommy ok?）好难搵到佢。」他又透露希望能与同年代的组合一同开骚：「好似Cookies、Shine、EO2、Boy'z，想有一个杂锦骚！」
提到E-Kids被封为MK POP始祖，Alan表示非常开心：「证明我的嘅形象系成功，唔系食烟饮酒讲粗口，只不过个头嘅颜色系咁。」他又谓有留意现今的MK POP，问到可会再走这个路线？他笑说：「《Sugar Baby》？！你觉得我咁嘅年纪仲可以羊？我惊漏死人！」又谓希望以林泳身分，有新形象带给大家。
而师弟Gentlemen就谓从Alan身上学到很多，并大讚对方勤力！
林泳（左图）对于E-Kids被封为MK POP始祖表示非常开心。
林泳（中）在台上卖力献唱。
林泳（中）在台上卖力献唱。
林泳仲同台下粉丝打招呼。
