无綫高层曾励珍早前安慰陈国邦，叫佢「过吓戏瘾，唔好拘泥系咪主角」，又话无綫48年，一直都有培育新人，如今对方决定离开TVB，人各有志不紧要也不觉可惜，仲话好多同事外边玩完一轮都返嚟，亦都唔觉演员出现断层。
 
    陈国邦日前喺微博写左一封《给无綫电视的公开信》，指自己唔想变作一潭死水及发黑发臭，事后仲话呢封系「求职信」而唔系「辞职信」。有唔少网民力撑佢，讚佢系一个有实力嘅演员。
 
 
    撑佢嘅当然唔止网民，仲有早年拍完《金枝欲孽贰》后离巢嘅邓萃雯，雯女亦喺微博留言：「作为朋友，最希望你健康快乐；作为我欣赏的演员，盼望你才华更有用武之地；而作为丈夫和爸爸，相信你已经满足有馀了。」
 
 
    雯女又认为生命中有无限可能，新嘅开始自有新嘅天地，对于陈国邦嘅决定，只有衷心祝福、鼓励与支持。