1990年港姐季军梁小冰噚日代表慧研雅集去左东莞观澜湖出席慈善高尔夫球赛，不过佢就表示自己系有姿势无实际，小冰话：「我拍戏都有打过，今次可能系好好嘅姿势，但系系执波！」提到小冰最近关闭微博一事，佢就话系私隐问题。
小冰表示希望有更多私人空间：「佢的（粉丝）唔瞓二十四小时咁帮我cap晒啲图，製作精美，我个心系感谢嘅！但系可能个界线就过左龙，又联络我经理人公司，又再秘密送好多礼物畀我，我觉得系唔需要喇。可能内地个文化同香港唔同，佢的唔知道呢啲野系唔岩规矩，我都要教导吓。」
唔通粉丝骚扰到小冰，先令佢删微博帐户？小冰话：「其实我系觉得佢的太热情，侵犯左我嘅私隐，所以我就制止左佢，我唔想佢的又会调查我住边呀，或者等我咁，会困扰左少少，我觉得同粉丝个关系点都要有啲距离。如果佢的支持我，欣赏我啲剧就够，乜野都唔使做。」
