G.E.M.（邓紫棋）早前接受车淑梅主持嘅港台节目《旧日的足迹》访问，讲起呢几年嘅起起伏伏，G.E.M.表现得相当感慨。呢几年，最威一定系佢前年参加左内地歌唱节目《我是歌手2》，而且得到总决赛亚军，令佢声名大噪。佢话：「我的推左好多商演，好多野唔做，淨系准备呢个比赛，放左好多心机喺表演入面，每个礼拜要改篇到一首歌，会有时间嘅压力，又希望自己比上个礼拜做得更好，亦会有审美疲劳，系有呢啲压力，不过亦训练到自己嘅抗压性。」
 
    提及3年前，乐坛前辈甄妮曾经串爆G.E.M.冇礼貌，G.E.M.就话：「当时我睇到新闻系好愕然，我印象好深刻见到甄妮姐姐嗰一日，当时系一个奥运主题嘅大汇演，我的每个artist都喺休息室入面，我见到甄妮姐姐，我同同事讲『甄妮姐姐呀，真嗰个巨肺喺度呀！』，我同事问过唔过去影张相，但我话『已经有堆人排紧队，我的过去影相好似唔知点。』，所以我冇行埋去打招呼，加上我觉得甄妮姐姐完全唔识我，其实佢喺我心目中系神级，因为我麻麻有好多甄妮姐姐嘅录音带，我小学时，麻麻已经成日播甄妮姐姐嘅歌，例如《奋斗》。」


 
    咁有冇尝试去补救呢？G.E.M.话：「我即刻打畀我同事，问佢的有冇甄妮姐姐嘅contact，我亦喺微博上面发左一个post，因为我觉得呢个系误会，其实我冇不敬嘅心，有次喺港台颁奖礼见到甄妮姐姐，我事前已经谂应该点样打招呼，向佢解释番，但系喺后台根本见唔到佢，后来我上左台，落台嘅时候，就到甄妮姐姐上台，跟住我就去左做访问，完全冇遇到，当时记者有问我见唔见到甄妮姐姐。」
 
 
    G.E.M.又话自己长大后，发现一个人心裡嘅不安感觉会导致你畀人一个错讯息。咁即系甄妮错？车淑梅问G.E.M.要唔要向甄妮讲句对唔住？G.E.M.话：「我觉得如果呢个对唔住可以令甄妮姐姐觉得释怀，呢个对唔住，我系愿意讲，因为我学到另一样，好多时唔系你自己觉得自己岩定错，反而系如果人的get到嘅野，唔系自己想表达嘅野，即系你表达能力有问题，所以可以讲呢句对唔住，呢句对唔住唔需要吝惜，如果有机会见面，我好希望可以面对面去解释。」即系一直都系甄妮误解左佢，呢个道歉实在有啲委屈。