李璧琦新戲《等一個擁抱》觸碰童年陰影


●李璧琦與陳友看回拍攝效果。

香港文匯報訊(記者 李思穎)李璧琦(Becky)在新戲《等一個擁抱》中與龔柯允(Karen)飾演兩姊妹,兩人童年時被戲中父親陳友拋棄,長大後Becky既要照顧患上腦退化症的陳友,又要到馬來西亞勸妹妹Karen回港原諒父親,不少戲份都相當錐心,其中一場Karen與陳友吵架吵得面紅耳赤,令在門外的Becky非常難過,相似的情景更勾起她埋藏多時的童年單親家庭不愉快回憶,最終看回放時忍不住觸動落淚!

Becky透露當日拍攝的場口正是自己主唱的主題曲《記憶的碎片》出現的情節,因此播着歌去演令一家人都非常入戲,而家人大吵大鬧的情景更曾經發生在Becky的童年身上,Becky說:「童年時父親離開咗屋企,相隔好多年後父母因為要討論一啲事而再見面,當時我已經長大成人,當晚我準備踏入家門時聽到父母鬧交鬧得好大聲,呢個畫面、聲音同戲入面情節好相似,當時嘅我就離開咗屋企同不由自主咁喊,直到近年我有機會去諮詢專業人士,原來我好細個時嘅恐懼一直無處理到,所以一聽到差唔多嘅聲音,加上同樣企門外面潛意識有好多感覺衝出嚟,係控制唔到,所以呢個場口對我嚟講好真實!」

Karen則指與Becky、友哥都是音樂人,大家在拍攝空檔時會一齊討論音樂,Karen說:「有次友哥講起某隻歌就會起beat,我哋一齊唱,間中仲會一齊jam歌,大家多咗默契!」