關心妍拍露腰廣告 須獲老公預先批准

關心妍為拍廣告做充分準備。

香港文匯報訊(記者 李思穎)關心妍(Jade)自重新投入工作後,工作接踵而來,除了教唱歌、拍網上節目,近日接下代言美容廣告,當中要展示身材露出腰肢,已為人妻人母的她,接拍前都有向老公報告,得到對方批准才敢應承。

Jade表示:「因為講美容及瘦身,要露少少身材,所以要尊重返老公,就第一個問咗佢先,佢先過目一下服裝,覺得無問題, 我才接拍。」

Jade在廣告中要以露背露腰的打扮現身,為此,她拍攝前一星期做好準備,要控制食量和到美容院做機,務求令身形更緊緻,她說:「因為會拍電視廣告,上鏡個人會再肥一個碼,所以真係要好勤力減肥,但做機又真係好幫得手,除咗自己減磅做運動,就靠做機去令肌膚緊緻。」

Jade生完女兒後,至今都保持到「2」字頭的幼腰,笑言:「真的非常辛苦才經營回來,做女人想靚真心係冇得懶,(老公最欣賞你哪個部分?)佢最鍾意我個嘴,佢話我嘴尖尖似隻貓,又鍾意我下巴話似蝦餃喎。」其女兒楊榮心(心心)見到媽咪的廣告照,就嘩嘩聲話媽咪似公主。

說到她是新一代美魔女,Jade表示不敢當,而她保養的秘訣:「心境好重要,個人開心,keep fit都快一些,又可能我成日教學生,身邊總是圍住一班年輕人,令自己心境回返20歲的時候,有時都覺得自己愈來愈年輕。」