预告森林婚礼 陈凯琳郑嘉颖生B有商量

    【on.cc东网专讯】 2013年港姐冠军陈凯琳堪称「白富美」表表者,身为千金小姐的她,恋爱经验少之又少,她说过拍拖要小心了解相处兼讲Timing,才能扑槌认证为男友,又自爆几乎冇拍过拖,以往最多只约会睇戏食饭,试过出两三次街就拖手,但之后冇Feel未有继续发展,她亦曾透露过往拍拖都不超过两个月。和46岁的郑嘉颖于今年初合演新剧《殭》邂逅,经过了解后终认拍拖,郑嘉颖明显「考核」成功兼「试用期」合格,顺利过渡,拍拖至今已逾大半年进入「安全期」。
 
    陈凯琳认为拍拖的目的就是想有将来,目标明确,故获父母支持:「佢的知我唔会随便拍拖,真系Make Sure对方同我相处得好好先会发展。我好认真,拍拖系想有天长地久,否则点解要拍拖?」



雖然希望將來生小朋友,但體貼的陳凱琳明言會尊重男友的意願。
虽然希望将来生小朋友,但体贴的陈凯琳明言会尊重男友的意愿。
 
生BB 有商有量
 
    郑嘉颖曾讚陈凯琳全冇千金小姐的气燄,反而懂得体谅别人,难能可贵。陈凯琳的确是「任你Say」女友,凡事有商有量,难怪和郑嘉颖年龄相距22年也不成问题,源于她抱着「爱是不保留」的态度,即使对方的缺点,也照单全收。「所有野都讲Timing,搵一个夹到、所有野都有倾有讲嘅人就OK!无论系无聊倾偈定系讲正经野,佢都畀到意见你,而且唔可以话锺意佢嘅边一面,人愈大,我觉得对方所有野都要锺意,Even佢嘅缺憾!除非嗰个缺憾好影响双方关系,否则要好全面咁爱对方!」陈凯琳的有商有量,远及将来生儿育女。「我好锺意小朋友,但依家好多人都唔生,我好尊重各方意见,所以要了解男方意愿,Even我想要但佢唔想嘅,咁大家一定要倾。」
 
    陈凯琳说跟圈中人拍拖的好处,就是理解对方的工作,又撑郑嘉颖不是爱周围撩女仔的花弗男。她又自言很「宅」,需要个人空间,故不是一个贴身膏药的女友,但同时又会花心思製造惊喜:「最紧要够细心同诚意!例如行行吓街讲左句:『我好想去新加坡食榴槤。』无啦啦有一日佢真系搵嚟畀你食,呢啲小惊喜比名贵野嚟得更开心!」陈凯琳今年的24岁生日,因工作关系要在法国度过,郑嘉颖便特意飞往当地给她惊喜庆祝,正中红心!
 
陳凱琳大讚鄭嘉穎有心思,久不久會送上神秘驚喜。
陈凯琳大讚郑嘉颖有心思,久不久会送上神秘惊喜。

陳凱琳坦言愛一個人就要接受埋對方的缺憾。
陈凯琳坦言爱一个人就要接受埋对方的缺憾。

 
婚纱相一定要多
 
    陈凯琳追求细水长流的爱情,眼见今年踏入结婚三十周年的父母感情仍然甜蜜,令她对婚姻充满憧景。有时为工作而穿婚纱,总会触动其恨嫁的心:「着婚纱上身,就会谂自己究竟几时结婚,又谂要拣一条点样嘅婚纱,好似拣极都拣唔完!可能到正式嗰日会拣到,但系影婚纱相真系要影好多条!」梦想的婚礼?已经想好了!她说:「锺意静嘅地方,可能喺森林入面,有啲灯笼有张白色长枱,好靓好简单。成班朋友同屋企人一齐食饭倾偈,我同老公就坐主席位!」
 
自言很「宅」的陳凱琳強調需要個人空間,所以絕不會成為貼身膏藥般的女友。
自言很「宅」的陈凯琳强调需要个人空间,所以绝不会成为贴身膏药般的女友。

貴為「白富美」代表的陳凱琳原來擇偶條件非常簡單,就係要大家夾得埋及啱傾。
贵为「白富美」代表的陈凯琳原来择偶条件非常简单,就系要大家夹得埋及岩倾。

 
全靠男友点醒
 
    陈凯琳和父母感情要好,工作忙碌令她与家人见面时间随之减少,因此她每次出席活动都会当成「毕业礼」,要父母亲身「见证」。「爹的会帮我影好多相,妈咪就喺台下面望上嚟,见到佢个表情好Proud of个女,好似毕业礼咁!我当年因为返嚟选港姐冇行毕业礼,所以依家会叫佢的嚟睇,畀佢的知个女做紧乜,令佢的安心!」由前年参选港姐入行开始,面对被质疑整容、家底被揭等,她坦言对家人感抱歉:「我喺外国长大,冇谂过香港传媒点运作,影响到佢的我会唔开心。父母成日担心我、问我有冇事,对我好大安慰!」
 
陳凱琳拍拖的目標明確,就是要結婚。
陈凯琳拍拖的目标明确,就是要结婚。

唔講唔知,原來陳凱琳參選港姐全因覺得郭羡妮港姐時畫面好震撼,陳凱琳仲大讚郭羡妮係好勤力嘅演員。
唔讲唔知,原来陈凯琳参选港姐全因觉得郭羡妮港姐时画面好震撼,陈凯琳仲大讚郭羡妮系好勤力嘅演员。

 
选美皆因郭羡妮
 
    参选港姐是童年梦想,陈凯琳直言1999年港姐冠军郭羡妮是她参选的「主因」:「8岁睇港姐嗰阵觉得佢好震撼好靓,决定参选系唔想后悔!我知自己同佢之间有好多相似位,佢令我好有动力去选,系我好Admire嘅师姐,除左美貌与智慧并重,佢系好勤力嘅演员,依家亦系个好妈妈。」
 
    热爱演戏的陈凯琳又表示视田蕊妮为目标:「阿田喺《巨轮》真系做得好放,要做到咁先成功!同佢合作《巨轮2》算系圆梦,就算唔系拍自己场口,我都会去偷师睇佢点做,唔使以前咁静静鸡去睇,可以堂堂正正咁企喺度!《巨轮2》入面我系一个好大胆嘅女仔,有好大发挥空间。第一次睇剧本会用First Impression去谂个角色应该点做,好似个角色要跳海,第一次睇就系『跳就跳啦』,睇第二次会谂点跳可以同其他人唔同,令个角色变得好『自己』!」

陳凱琳大讚男友於工作上幫助她不少。
陈凯琳大讚男友于工作上帮助她不少。

鄭嘉穎與陳凱琳今年初合演新劇《殭》而撻着。
郑嘉颖与陈凯琳今年初合演新剧《殭》而挞着。

 
拍喊戏开窍
 
    咁,郑嘉颖呢?陈凯琳即细说之前与男友拍剧的「开窍」事件:「有一场系同郑嘉颖拍,讲我为佢牺牲左好多,去佢舖头前面大嗌,佢点都唔肯出嚟,之后我崩溃丧喊,但当时太紧张完全喊唔出!嗰场嘉颖未埋位,佢知我做得唔理想特登嚟睇,行埋嚟叫我清清楚楚咁谂场戏讲羊,而唔好靠其他野去帮我,唔系幻想朋友、家人入院呢啲。嗰刻立即明晒,再拍嗰阵喊到收唔到声咁滞!」
 
今年四月《好報》獨家踢爆陳凱琳到鄭嘉穎屋企短聚。
今年四月《好报》独家踢爆陈凯琳到郑嘉颖屋企短聚。

今年6月二人在金鐘扒房撐枱腳。
今年6月二人在金钟扒房撑枱脚。