夥王浩信合作有壓力 馮盈盈渴望演古裝劇

香港文匯報訊(記者 梁靜儀)踏入豬年,馮盈盈祝大家豬肥屋潤、豬圓玉潤!備受公司力捧的她,期望新一年有機會挑戰演古裝,演後宮爭寵的妃嬪。

盈盈自出道以來工作不斷,主持節目外又有機會拍劇,去年更在台慶頒獎禮上奪得「飛躍新人獎」,近日又在忙於拍攝林志華監製的《極度怪咖》,劇中飾演一名千金小姐兼高級督察,跟「視帝」王浩信有不少對手戲,二人初次合作,盈盈就大呻很有壓力,她說:「你知王浩信身形高挑又纖長,係標準模特兒身形,我喺囧倥鉽囍h唔少都有壓力,所以希望自己新一年有更標準身形同省鏡狀態。」

■馮盈盈自出道以來工作不斷。
■馮盈盈自出道以來工作不斷。

對於工作機會不斷,她亦很感恩每次在工作上都有新挑戰,但仍有很多角色她都想嘗試: 「我想演啲癡癡哋、精神分裂、攻心計的角色,仲有都想挑戰未試過的古裝劇。」很多演員聽到拍古裝就怕怕,盈盈卻舉手自薦拍古裝,原因很簡單,就是曾經有人讚她的古裝扮相靚:「之前我着古裝影相,有啲人讚我古裝扮相似內地女星唐嫣 ,所以我想演後宮爭寵的皇后或婢女,自細我都睇好多呢類宮廷劇。」

為買樓做定功課

盈盈不單事業得意,愛情亦如魚得水,身為九十後的她,去年與男友「寶寶」夾份置業,成功上車。被問到可會再入市,她坦言目前未有足夠資金及資本再買樓,而且她想保留首次置業的配額,惟有再努力工作賺錢。平時做節目予人大癲大肺印象的盈盈,原來做事頗有計劃,雖然暫時未夠本錢再入市,但她已勤力做定功課,更教大家買樓心得:「有心想買樓平時就要留意樓市資訊,唔係等到想買樓至去了解樓市,咁樣永遠都會遲人一步,唔好只關心自己工作的行業,整個樓市同經濟都要多啲關心,(有冇關心自己層樓升值幾多?)現有SSD(印花稅),要等三年後賣出去至知,頭三年升幅都唔關我事。」