謝霆鋒搞月餅試食大會 陳家樂見師兄受寵若驚

■霆鋒特意帶自家品牌的月餅回公司搞「試食大會」。
■霆鋒特意帶自家品牌的月餅回公司搞「試食大會」。

香港文匯報訊 中秋節將至,謝霆鋒日前特意帶備兩盒自家品牌「鋒味」的月餅,包括「陳皮豆沙月餅」及「帕爾馬火腿煙燻月餅」回公司,舉行「月餅試食大會」。不過就被經理人霍汶希(Mani)於自己的社交網絡出貼文「取笑」,「謝大廚真係好大方,帶咗兩盒鋒味月餅畀英皇娛樂百幾位同事食,切成薄片嘅迷你月餅我都係第一次見咋。」

試食大會由地下電梯大堂的接待處姐姐開始,到英皇娛樂的藝人同事陳家樂及李靖筠(Gladys),最後還有壓軸出場、其實是「路過」的英皇集團主席楊受成博士,霆鋒都親手切餅餵食,認真有愛。

不過當霆鋒切好準備給家樂時,家樂一面尷尬地說:「我唔食得呀,Mani唔畀我食。」霆鋒隨即問「點解」,家樂說Mani要他減肥。霆鋒就說:「一嚿半嚿啦,要知道食好嘢係抵肥嘅。」得到大師兄「加持」,Mani亦都開綠燈讓家樂試食,一食落口,家樂表示好開心,不過原來錯重點,他開心的原因其實是:「我今日係第一次同大師兄講咁多嘢!」十分搞笑。

隨後輪到今年才簽約公司的小師妹Gladys,原來這次是Gladys第一次見到霆鋒真人,Gladys立即變成小粉絲,開心到喪笑,Mani亦好識做地將Gladys推到霆鋒身邊,讓她可以親親大師兄,仲話:「摸吓囮r,摸佢塊臉啦,唔驚啦,佢唔會打你㗎,雖然佢揸住把刀。」不過害羞的Gladys始終不夠膽,最後還是靠Mani出手,捉着Gladys的手摸霆鋒的臉,Galdys頓時「面都紅晒」。

楊受成配合做戲

隨後,霆鋒走進房中,跟正在開會的英皇集團執行董事楊政龍及英皇娛樂集團行政總裁許佩斯派餅,不過最驚喜的就係突然「亂入」的英皇集團主席楊受成博士,老闆一行入房便向霆鋒伸手並說:「多謝!」Mani隨即大笑:「多咩謝?都未知人哋送嘢畀你。唔得呀,cut!」之後片段再次見到老闆走入房間,並說:「喂!做咩事?」一眾同事回應「開緊會」然後霆鋒便拎起月餅說:「特登返嚟送盒我嘅月餅畀你。」老闆「驚喜地」說:「嘩,多謝。」最後二人攬攬,十分有愛。片段出街後,不少網民都大讚楊博士搞笑兼有戲。