网民热话:数TVB新四大小生陈展鹏,洪永城,萧正楠,王浩信优点

    【on.cc东网专讯】 无綫历年嚟出产唔少靓仔又好戏嘅小生,好似之前喺剧集《陪著你走》化身「语速王」嘅陈豪,仲有马国明、吴卓羲及黄宗泽等,不过佢的已经愈嚟愈少出现喺电视,换嚟新一批小生接棒,而近日经常喺无綫剧担正嘅陈展鹏、洪永城、萧正楠及王浩信,就被网民推举做新四大小生,唔少人都讚佢的有演技同可塑性高!
 
 
陈展鹏古装好鬼型!


其实陈展鹏唔戴眼镜都好靓仔啫!

 
陈展鹏恰到好处
 
    喺无綫艺员训练班出身嘅陈展鹏其后转投亚视拍剧,多年嚟唔少人都觉得佢演技出众,之后佢喺2008年重返无綫后好快就获赏识,机会多多嘅佢喺多套剧中饰演重要角色,好似喺剧集《巨轮》、《单恋双城》同《叛逃》等都担正做男主角,无论演忠或奸角,抑或喺《单恋双城》入面嘅诙谐角色陆恭梓,都恰到好处,而佢喺台庆剧《张保仔》仲一人分饰两角,认真犀利,虽然有网民就话陈展鹏一唔戴佢副招牌眼镜,个look就唔讨好,不过亦有唔少人话佢戴唔戴眼镜都咁型!
 
洪永城胜在跳脱,喺《张保仔》中非常搞笑!


仲有对煞食眯眯眼!

 
洪永城够跳脱
 
    由旅游节目主持捞过界拍剧嘅洪永城(Tony)一向形象搞笑幽默,由喺《单恋双城》入面饰演一路暗恋老友陈茵媺嘅戆直男,到依家喺《张保仔》做打得嘅海盗,都一样难唔到Tony,网民仲话虽然佢唔系青靓白淨派,不过胜在够跳脱,有网民更笑言佢对眯眯眼好煞食添!

萧正楠唱得又睇得!


仲有个好得嘅女朋友黄翠如,真系衬呀!

 
萧正楠剧接剧够努力
 
    至于由歌手转去拍剧嘅萧正楠,一直都努力由配角升到上主角之位,而同黄翠如公开恋情之后反而更旺萧正楠,近年嚟仲剧接剧忙到冇停手,无论系《巨轮》嘅斯文男、《师奶MADAM》嗰个污wear警察定系古装剧《倩女喜相逢》嘅搞笑角色,网民都觉得萧正楠演技好好,仲唱得又睇得啊!
 
呢一幕,你唔会忘记了吧!王浩信捱13巴真系唔讲得笑~


王浩信高大靓仔,演技仲愈嚟愈好!
王浩信高大靓仔
 
    而继喺《名媛望族》入面被刘松仁掌掴13巴,兼攞埋飞跃进步男艺员奖,到之前喺《楼奴》入面担正嘅王浩信,角色都令人眼前一亮,网民大讚佢除左高大靓仔之外,演技更愈嚟愈进步,仲好期待佢挑战唔同类型嘅角色添!
 
网民有话儿:
Herxxx_woxx:为左睇展鹏同洪永城做戏,就算唔想见到陈凯琳都要追张保仔
kelvxx_kwxx:其实黄浩然比起佢地(的)四个仲靓仔又有型
古XX:张继聪做收规华做得几好,有啲想佢攞视帝
cixxx_chax:陈展鹏好戏就公认嘅,萧生,洪生同王浩信都月(愈)尼(嚟)月(愈)进步
大X乐:呢期佢地(的)四个曝光率咁高,仲唔系四大小生

黄浩然与张继聪(右)!


陈豪(左起)、马国明、吴卓羲及黄宗泽!